Një 45-vjeçar është paraqitur në gjykatë ditën e sotme i akuzuar për tentativë vrasjeje ndaj dy hebrenjve që plagosi me thikë në Golders Green, në veri të Londrës, të mërkurën.
Essa Suleiman, 45 vjeç, akuzohet për sulm ndaj Shloime Rand, 34 vjeç, dhe Moshe Shine, 76 vjeç.
Të dy pësuan lëndime të rënda dhe u trajtuan në spital, ndërsa Policia Metropolitane e Londrës e ka cilësuar ngjarjen si akt terrorist.
Read more (Para):Rrëzohet aeroplani në Teksas/ Humbin jetën të gjithë personat në bord, dyshimet e para mbi shkakun e tragjedisë
Suleiman akuzohet gjithashtu për tentativë vrasjeje ndaj Ishmail Husseini në një sulm me thikë në apartamentin e këtij të fundit në Southwark, në jug të Londrës, më herët gjatë së njëjtës ditë. Sipas autoriteteve, Husseini ishte familjar i tij.
Ai përballet gjithashtu me akuzën për posedim të një thike në një vend publik në Golders Green.
Read more (Sulm):Starmer viziton komunitetin hebre ku ndodhi sulmi me thikë i ditës së djeshme, pritet me fishkëllima dhe thirrje kundër tij nga qytetarët
I dyshuari u paraqit në bankën e të akuzuarve të premten, i veshur me rroba gri të siguruara nga policia, dhe dukej se kishte një mavijosje rreth syrit. Ai u ngrit për të konfirmuar emrin dhe datëlindjen e tij.
Ai ka lindur në Somali dhe ka ardhur ligjërisht në Mbretërinë e Bashkuar si fëmijë në fillim të viteve 1990, ndërsa aktualisht është shtetas britanik.
