Një incident i dhunshëm ka ndodhur pasditen e së shtunës në rrugën “Bajram Bahtiri” në Prishtinë, ku tre meshkuj, njëri prej tyre i mitur janë përfshirë në një përleshje fizike.
Sipas raportimeve, ngjarja ka ndodhur rreth orës 18:30, pas një mosmarrëveshjeje mes të dyshuarve. Ata dyshohet se kanë sulmuar njëri-tjetrin duke përdorur mjete të forta dhe një thikë.
Policia ka ndërhyrë në vendin e ngjarjes, ku janë konfiskuar mjetet e përdorura në cilësinë e provave materiale. Të përfshirët në incident kanë marrë trajtim mjekësor për lëndimet e pësuara.
Read more (Sulm):Plagosi dy hebrenj në Londër/ Identifikohet autori i sulmit terrorist, 45-vjeçari del para gjykatës. Po të njëjtën ditë kishte goditur edhe një familjar
Me vendim të prokurorit, të tre të dyshuarit janë ndaluar për 48 orë, ndërsa rasti po hetohet për veprat penale “lëndim i lehtë trupor”, “sulm”, “kanosje” dhe “armëmbajtje pa leje”. /Telegrafi/
