TIRANË– Apeli i GJKKO-së ka rrëzuar sërish kërkesën e ish-presidentit Ilir Meta për tu liruar nga qelia. Me një vendim të 23 prillit, Gjykata e Lartë e zhbëri vendimin e Apelit dhe e riktheu për rishqyrtim kërkesën e Metës për një masë më të lehtë sigurie, por kërkesa iu rrëzua sërish nga gjyqtarja Saida Dollani.
Ndërkohë, po sot në GJKKO do të shqyrtohet një tjetër kërkesë e Ilir Metës, i cili kërkon lirinë kundrejt garancisë pasurore prej 50 mijë eurosh.
Read more:Kërkoi pezullimin e afatit të paraburgimit, Apeli i GJKKO ‘rrëzon’ Erion Veliajn
Ilir Meta mbahet në paraburgim që prej tetorit të vitit 2024 dhe përballet me akuza për korrupsion në lidhje me aferën CEZ-DIA, kontratën lobuese të LSI-së në Shtetet e Bashkuara, si dhe për pastrim parash e fshehje pasurie. Ndërkohë, më 27 prill, në Gjykata e Posaçme pritet të nisë edhe seanca e parë në themel ndaj ish-presidentit.
Read more:Gjyqi për dosjen ‘SASPAC’, GJKKO rrëzon kërkesën e Beqajt për të dalë nga kafazi
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë
Lajmi në përditësim…
