KORCE –Pasojat e reshjeve të dimrit vijojnë të mbeten të dukshme në fshatin Voskop të Korçës. Mbrojtja anësore e lumit është dëmtuar rëndë, ndërsa materialet inerte te grumbulluara në rrjedhën e ujit rrisin rrezikun për përmbytje të tjera.
Kudo sheh struktura të dëmtuara betoni, gurë dhe inerte të shpërndara përgjatë lumit të Lavdarit si dhe erozioni i theksuar i brigjeve.
Sipas banorëve, ndërhyrja nga pushteti vendor ka qenë minimal. Ata thonë se pastrimi i fundit i lumit është kryer në muajin nëntor dhe prej asaj kohe nuk është bërë asnjë ndërhyrje tjetër.
Read more:Pogradec/ Përplasi për vdekje me makinë të moshuarin, arrestohet 24-vjeçarja
Në këtë lagje ndodhen 40 shtëpi që jetojnë çdo ditë me frikën e përmbytjeve dhe kërkojnë ndërhyrje urgjente.
Banorët tregojnë se lumi i Lavdarit përbën kërcënim të vazhdueshëm, sidomos për familjet që jetojnë më pranë brigjeve.
Banorët shprehen se një pjesë e konsiderueshme e tokave bujqësore ndodhen pranë lumit dhe rrezikohen nga çdo dalje e tij nga shtrati.
Read more:Real Madridi në krizë të thellë, tensione të reja brenda dhomave të zhveshjes
Një tjetër banor thotë se reshjet e fundit kanë dëmtuar rëndë pritën dhe mbrojtjen përgjatë lumit, ndërsa mungesa e mirëmbajtjes e bën situatën edhe më alarmante. Ata kerkojne nderhyrje nga bashkia e Korçës për thellimin dhe menaxhimin e shtratit të lumit për të shmangur pasoja më të rënda.
Po keshtu kerkojnë forcimin e mbrojtjes anësore dhe pastrimin e materialeve inerte. Për ta, zgjidhja nuk mund të jetë më një ndërhyrje e përkohshme, por një investim i qëndrueshëm që do të shmangë përsëritjen e përmbytjeve.
