Këngëtarja e njohur Britney Spears është deklaruar fajtore për drejtim mjeti nën ndikimin e alkoolit dhe drogës dhe është dënuar me 12 muaj lirim me kusht nga Gjykata e Lartë e Qarkut Ventura në Kaliforni, sipas vendimit të shpallur të hënën.
Spears u arrestua në mars në Kaliforni, pasi policia e ndaloi pranë shtëpisë së saj nën dyshimin se po drejtonte automjetin nën efektin e një kombinimi alkooli dhe substancash narkotike.
Ylli 44-vjeçar i muzikës pop nuk u paraqit personalisht në gjykatë, por pranoi fajësinë përmes avokatit të saj, Michael A. Goldstein. Për shkak se bëhet fjalë për një kundërvajtje, prania e saj në sallë nuk ishte e detyrueshme.
Read more:Britney Spears do t'i shpëtojë burgut?
🔗: https://t.co/GwpU8ncxUk
Britney Spears has pleaded guilty in her DUI case.
📷️: Dimitrios Kambouris/WireImage pic.twitter.com/QywOkNsWoR
Sipas procedurës ligjore, akuza për “drejtim të pamatur mjeti” përfshin pranimin e përgjegjësisë për drejtim të rrezikshëm nën ndikimin e alkoolit dhe/ose drogës, dhe zakonisht shoqërohet me 12 muaj lirim me kusht. Gjatë kësaj periudhe, personi duhet të paguajë gjoba dhe tarifa shtetërore, si dhe të ndjekë një program edukimi për drejtimin e automjetit nën ndikim.
Disa ditë para arrestimit, burime për mediat konfirmuan se Spears ishte vetëregjistruar në një qendër trajtimi, ku kishte qëndruar vullnetarisht për një periudhë të shkurtër. Pas incidentit, përfaqësuesit e saj e cilësuan ngjarjen si “të pafat dhe të pajustifikuar”, duke theksuar se ajo do të respektonte ligjin dhe do të ndërmerrte hapat e nevojshëm për të përmirësuar gjendjen e saj.
Ata shtuan gjithashtu se këngëtarja ka nevojë për mbështetje gjatë kësaj periudhe të vështirë dhe se shpresojnë që ky proces të ndihmojë në stabilizimin e jetës së saj personale.
