Kreu i parlamentit iranian ia hodhi fajin Shteteve të Bashkuara për tensionet e reja në rajon.
Mohammad Bagher Ghalibaf u shpreh se ishte pikërisht SHBA dhe aleatët e saj që rrezikuan transportin e sigurt të anijeve dhe energjisë “përmes shkeljes së armëpushimit dhe vendosjes së një bllokade” në Gjirin e Hormuzit.
Read more:A është e sigurt Shqipëria pa një NATO të fortë?
“Në një gjë e dimë shumë mirë: vazhdimi i status quo-së është i papranueshëm për Amerikën; e ndërkohë ne nuk kemi filluar akoma,” u shpreh Ghalibaf, i cili ka udhëhequr negociatat për palën iraniane dhe është kthyer në zërin më të fuqishëm sot të regjimit në Teheran. Komentet e tij vijnë në një kohë kur armëpushimi i pasigurt po vihet më shumë në provë nga të dyja palët që shkëmbyen goditje një ditë më parë në ngushticën e Hormuzit.
Presidenti Donald Trump nuk pranon të thotë nëse armëpushimi midis SHBA-së dhe Iranit mbetet në fuqi, por paralajmëroi forcat iraniane se do të “fshihen nga faqja e Tokës” nëse do të shënjestronin anijet amerikane në zonë.
Sipas krerëve ushtarakë amerikanë në Lindjen e Mesme, dita e parë e Projektit “Liria”, që është plani i ushtrisë amerikane për të rifilluar lëvizjen e anijeve përmes Ngushticës së Hormuzit, ishte një sukses. Por analistët e pavarur janë më të kujdesshëm. Ata theksojnë se vetëm dy anije me flamur amerikan kaluan nëpër ngushticë nën mbrojtjen e SHBA-së dhe se zgjerimi i operacionit me objektiv rikthimin e trafikut të përpara-luftës prej 120 anijesh në ditë duket i vështirë, veçanërisht nëse Irani nuk bashkëpunon.
Admirali Brad Cooper, kreu i Komandës Qendrore të SHBA-së, u tha gazetarëve gjatë një konference telefonike se SHBA përdori një forcë të kombinuar destrojerësh, helikopterësh, avionësh luftarakë, dronësh dhe mjetesh të tjera për të mbrojtur lëvizjen e dy anijeve amerikane përmes ngushticës. Raketat iraniane që u nisën drejt Marinës amerikane dhe dy anijeve tregtare u goditën, dhe helikopterët amerikanë fundosën gjashtë anije të vogla iraniane që tentuan të sulmonin anijet tregtare, tha admirali amerikan.
Read more:Trump refuzon të thotë nëse armëpushimi është ende në fuqi
Por Tim Huxley, drejtues i kompanisë Mandarin Shipping, tha për CNN se kalimi në Hormuz mbetet jashtëzakonisht i rrezikshëm, dhe pret që shumica e anijeve të vazhdojnë ta shmangin lundrimin atje deri sa të dyja palët të arrijnë diçka më konkrete.
