Helmimi i 56 studentëve në Akademinë e Sigurisë, arrestohen kuzhinieri dhe teknologia e ushqimit – shpallen në kërkim edhe të tjerë

Policia e Shtetit ka dhënë informacionet e fundit lidhur me situatën pas helmimit të 56 studentë të Akademisë së Sigurisë.

Policia njofton se lidhur me rastin janë arrestuar kuzhinieri dhe teknologia e ushqimit.

“Dje, janë dërguar për ndihmë mjekësore në Repartin Infektiv të QSUT-së, 56 studentë të Akademisë së Sigurisë, të cilët dyshohet se janë helmuar pas konsumimit të ushqimit në ambientet e Akademisë së Sigurisë. Të gjithë studentët morën ndihmën e nevojshme mjekësore dhe kanë dalë nga spitali, në gjendje të mirë shëndetësore”, thuhet në njoftim.

Specialistët për Hetimin e Krimeve të Komisariatit të Policisë Nr. 1, në vijim të veprimeve hetimore të kryera në drejtimin e Prokurorisë së Tiranës, për këtë rast:

Read more:Vodhi varëse në vlerë 12 mijë euro, arrestohet 17-vjeçari në Tiranë – Policia publikon pamje

-arrestuan në flagrancë shtetasit K. B., 52 vjeç dhe K. P., 23 vjeçe, me detyra respektive kuzhinier dhe teknologe ushqimi në kompaninë e kontraktuar për të ofruar ushqim në Akademinë e Sigurisë;

-referuan materialet në Prokurori ku nisi procedimi në gjendje të lirë për shtetasen R. Ç., 35 vjeçe, me detyrë teknologe ushqimi në këtë kompani;

-shpallën në kërkim administratoren e kompanisë, shtetasen A. T., 52 vjeçe.

Read more:Elbasan/ Policia Bashkiake aksion për zhvendosjen e automjeteve ‘të harruara’ në rrugë, dërgohen në pikën e makinave të bllokuara

– punohet për kapjen e shtetases A. T., individualizimin dhe dokumentimin e përgjegjësisë penale të shtetasve të përfshirë në këtë rast.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprën penale “Importimi, prodhimi, shitja dhe ruajtja e ushqimeve të rrezikshme për shëndetin ose jetën e njerëzve”. /Telegrafi/