San Antonio Spurs dhanë një reagim të fuqishëm në gjysmëfinalet e Konferencës Perëndimore duke mposhtur Minnesota Timberwolves me rezultat bindës 133:95 dhe duke barazuar serinë në 1:1.
Në qendër të fitores ishte Victor Wembanyama me 19 pikë dhe 15 ribaunde, ndërsa Stephon Castle realizoi 21 pikë. De’Aaron Fox shtoi 16 pikë, ndërsa Spurs treguan efikasitet të jashtëzakonshëm me 50% saktësi nga fusha dhe 41% për tre pikë.
Në anën tjetër, Anthony Edwards, Julius Randle, Jaden McDaniels dhe Terrence Shannon Jr. shënuan nga 12 pikë secili për Minnesotën, e cila pësoi humbjen më të rëndë në historinë e saj në Play-Off.
– YouTube www.youtube.com
Spurs dominuan që në fillim dhe krijuan epërsi të madhe falë agresivitetit të Wembanyama dhe Fox. Minnesota u kufizua në vetëm 35 pikë në pjesën e parë dhe gjuajti vetëm 29.8% nga loja deri në pushim.
Read more:Rockets i shpëton debaklit, Celtics dhe Spurs marrin fitoret e treta
Seria tani zhvendoset në Minneapolis për ndeshjet e tretë dhe të katërt.
Në Konferencën Lindore, New York Knicks mposhtën Philadelphia 76ers me rezultat 108:102 dhe kaluan në epërsi 2:0 në seri.
Jalen Brunson ishte lideri i Knicks me 26 pikë dhe vendosi ndeshjen në momentet vendimtare. OG Anunoby shtoi 24 pikë, ndërsa Karl-Anthony Towns kontribuoi me 20 pikë, 10 ribaunde dhe shtatë asistime. Mikal Bridges e përfundoi sfidën me 18 pikë.
– YouTube www.youtube.com
Për Filadelfian mungoi Joel Embiid për shkak të lëndimeve, ndërsa Tyrese Maxey realizoi 26 pikë. Paul George dhe Kelly Oubre Jr. shtuan nga 19 pikë secili.
Seria tani transferohet në Philadelphia, ku do të zhvillohen ndeshjet e ardhshme./Telegrafi/
