Shumë përdorues të Smart TV po përballen me ngadalësim të pajisjeve të tyre, sidomos gjatë përdorimit të aplikacioneve si YouTube apo Netflix. Në shumicën e rasteve, problemi nuk lidhet me internetin, por me grumbullimin e të dhënave të përkohshme në memorien e televizorit.
Ekspertët e teknologjisë theksojnë se çdo aplikacion që përdoret në Smart TV lë pas “cache” dhe skedarë të përkohshëm, të cilët me kalimin e kohës e ngarkojnë sistemin dhe e bëjnë pajisjen më të ngadaltë.
Gjithashtu, fikja e zakonshme e televizorit nga telekomanda shpesh nuk e mbyll plotësisht sistemin, pasi pajisja mbetet në gjendje “standby”.
Read more:Mbajeni butonin e ndezjes për 10 sekonda – truku që shpejton menjëherë çdo televizor inteligjent
Zgjidhja, sipas specialistëve, është një restart i plotë i pajisjes përmes një truku të thjeshtë me telekomandë. Përdoruesit duhet të mbajnë të shtypur butonin e ndezjes për rreth 10 sekonda, derisa televizori të fiket dhe të riniset me logon e prodhuesit.
Ky proces mbyll të gjitha proceset e fshehura dhe ndihmon në pastrimin e memorieve të përkohshme, pa fshirë të dhënat apo aplikacionet.
Në rastet kur kjo metodë nuk jep rezultat, rekomandohet edhe shkëputja e televizorit nga rryma elektrike për disa minuta, për të siguruar një rinisje të plotë të sistemit.
Read more:“Mos u ndaj nga tufa”, “nuk jam tufë, jam deputete” – si filloi përplasja e Reshitajt me Gërvallën
Ekspertët këshillojnë gjithashtu mirëmbajtje të rregullt të Smart TV-ve, duke fshirë aplikacionet e panevojshme dhe duke lënë hapësirë të lirë në memorien e pajisjes, si dhe duke bërë restart periodik për të ruajtur performancën optimale.
Sipas tyre, në shumë raste ngadalësimi i Smart TV nuk është shenjë e vjetërsimit të pajisjes, por thjesht pasojë e ngarkesës së softuerit që mund të zgjidhet me hapa të thjeshtë teknikë. /Telegrafi/
