Chelsea po punon për të gjetur trajnerin e ri dhe një nga emrat kryesorë në listë është Xabi Alonso, raporton gazetari i njohur David Ornstein.
Sipas tij, klubi londinez po e eksploron mundësinë për ta emëruar spanjollin si trajnerin e ardhshëm, ndërsa Alonso thuhet se është i hapur ndaj këtij opsioni, megjithatë ende nuk është marrë një vendim përfundimtar.
“Blutë” janë në kërkim të një zëvendësuesi të përhershëm të Liam Rosenior, i cili u shkarkua në prill, pas më pak se katër muajsh në krye të ekipit.
Read more:Fermin Lopez flet për mundësinë e largimit nga Barcelona
Përveç Alonsos, në garë për stolin e Chelseat përmenden edhe Andoni Iraola, që pritet të largohet nga Bournemouth, si dhe trajneri i Fulhamit, Marco Silva.
Alonso ka mbetur pa ekip që nga largimi nga Real Madridi në fillim të këtij viti. Më herët, ai drejtoi Bayer Leverkusen drejt një titulli historik në Bundesligë në sezonin 2023/24, duke e mbyllur kampionatin pa humbje.
Read more:Nuk është Liverpooli, gjiganti anglez e bën top prioritet Xabi Alonson
Në periudhën e shkurtër te Real Madridi, Alonso pati një nisje pozitive, ku spikat edhe një fitore në El Clasico ndaj Barcelonës, por ekipi ishte i dyti në La Liga në momentin kur ai u largua.
Përkohësisht, skuadrën e Chelseat po e udhëheq Calum McFarlane, i cili do të mbetet në detyrë deri në fund të sezonit. /Telegrafi/
