Analisti Ilir Yzeiri i ftuar këtë të hënë në ‘Sot Live në Shqipëri’, komentoi rreth seancës gjyqësore të së premtes për padinë e kryebashkiakut Erjon Veliaj kundër prokurorit Ols Dado.
Në një diskutim me moderatorin Nertil Agalliu, Yzeiri së pari vuri në dukje sulmet që u bënë në rrjete sociale ndaj aktorit të mirënjohur Robert Ndrenika. Aktori së bashku me disa figura të tjera ndoqë gjyqin dhe treguan mbështetje ndaj Veliajt.
Sa i përket sulmeve që erdhën në rrjetet sociale ndaj artistëve që mbështetën kryebashkiakun Veliaj të premten në gjykatë, veçanërisht aktorit të njohur Robert Ndrenikës, Yzeri tha se përveç komenteve negative një pjesë tjetër më e madhe e panë gjestin e aktorit si, një veprim human ndaj një njeriu që po i ushtrohet një dhunë e egër juridike.
“100 komentues u shprehën me tone negative ndaj Ndrenikës. Në një masë gjesti i Ndrenikës u pa si një gjest human ndaj një njeriu që po ushtrohet një dhunë e egër juridike, ndaj të cilit është ngritur një padi nga njerëz që nuk ekzistojnë. Dado e Dumani e ka orkestruar të gjithë këtë maskaradë. Të premten e pashë si organizohen gjyqet në Shqipëri. Salla ku u mbajt seanca për Veliaj ishte si një kuzhinë”, tha Yzeiri teksa shtoi se përdoren për ata që kanë rrezikshmëri të lartë shoqërore, që kanë kryer vepra të rënda penale.
Yzeiri thotë se në vendin tonë po rrezikohen balancat e pushtetit dhe për këtë sjell si shembull kryesor sërish rastin e kryebashkiakut Veliaj, dhe padinë mbi padinë e këtij të fundit, për ligjshmërinë ose jo të emërimit prokuror të Ols Dados, i njëjti që ka ngritur akuza penale ndaj tij.
Read more:Frrok Çupi: Persekutorë të vdekur për Ndrenikën
“Këtu po rrezikohen balancat e pushtetit. Pushteti juridik po kërkon të marrë një pushtet tjetër. Ne kemi votuar parlamentin, të gjitha pushtetet e tjera janë të rrjedhura nga pushteti. Ne sot i kemi të shkaktërruara gjykatat. Kur një prokuror si Olso Dado i kërkohet transparencë për emërimin e tij si prokuror, Gjykata në vend që të bëjë këtë transparencë, bën të kundërtën, mbron të dyshuarin dhe kjo duhet të sjellë si një alarm në Parlament. Sot që ne flasim duhet të jepet drejtësi për të gjithë qytettarët”, tha Yzeiri.
Në fund Yzeiri kometoi edhe mbajtjen e seancës së dytë në themel në ngarkim të Ilir Metës – seancë e cila nis ime debate pasi të pandehurit kërkuan transmetimin live.
Read more:Me video e paraqitje të veçantë, Gjesti sjell një pjesë nga kënga e re "Fuqishëm"
“Vendimi i kësaj gjyqtareje është një vendim prej frikës dhe i brishtë. Kjo gjykatë dhe kjo prokurori nën udhëheqjen e Dados dhe Dumanit është mësuar që çfarë regjistrohen aty t’jua shesin disa fundërrinave aty jashtë. Ti mund ti nxjerrësh kamerat, por mund të lejosh një që te regjistrojë. Këto regjistrime kërkojnë një mirëkuptim institucional”, tha Yzeiri.
