Hantavirusi/ Doktor Alimehmeti: Në botë përllogariten 100 mijë të prekur! Shkalla e vdekshmërisë nga kjo sëmundje arrin në 10-15%

Doktori Ilir Alimehmeti është shprehur se sot në botë përllogariten deri në 100 mijë raste infektimesh me Hantavirus, pra sipas tij, ky virus nuk është risi.

Komentet Alimehmeti i bëri në emisionin ‘Bota Report’ me gazetarin Denis Minga në Report Tv, ku tha se origjina e këtij virusi është nga minjtë (disa lloje të caktuar të minjve).

Alimehmeti tha se mes njerëzve ky virus ka një transmetueshmëri të ulët. Ai shtoi se shumica e rasteve me Hantavirus janë zbuluar në Euroazi. Sipas Alimehmetit, Hantavirus ka një shkallë vdekshmërie 10-15%.

Read more:Zgjedhjet/ Demokratja vë në vështirësi Berishën: Si ka mundësi që nuk ke rivalë? Kreu i PD: Përtojnë të garojnë, kanë edhe frikë nga humbja (VIDEO)

“Nuk është problem i zogjve ky. Ky është problem i brejtësve. I disa llojeve të minjve. Janë minj të rracave të ndryshme, që shërbejnë si rezervuar për këtë lloj virusi. Dhe ka këtë aftësi ky virus, që të kalojë në specie të ndryshme, përfshi këtu njeriun. Por fatmirësisht mes njerëzve, transmetohet shumë pak.

Kjo është situata në këtë anije, por me Hantavirus përllogariten 10 mijë deri në 100 mijë raste botërore me Hantavirus. Shumica e këtyre rasteve janë në Euro-Azi. Shumica dërrmuese e këtyre rasteve janë në euroazi. Në Euroazi kemi jo-transmetueshmëri nga njeriu te njeriu dhe një formë më të dobët të vdekshmërisë, me 10-15 %. Ndërkohë virusi i Andeve shkon 20-60%”, tha mes të tjerash Alimehmeti.

Read more:Ylli Pata: A mund të jetë Salianji, Nigel Farage i lokaleve të 2027?

Më tej Alimehmeti tha se simptomat e këtij virusi janë dhimbje trupi dhe të vjella, ç’ka sipas tij e bën të vështirë identifikimin e personave të prekur.

Alimehmeti deklaroi gjithashtu se jo vetëm në këtë rast, por edhe për viruse të tjera, duhen marrë masa paraprake nga Shëndetësia kudo në botë, për të zbutur sadopak efektet negative te qytetarët.

Read more:Franca konfirmon rastin e parë me hantavirus

“Por kujdes, te të sëmurët rëndë, por jo te totali i njerëzve. Sepse shumica e njerëzve nuk kanë fare simptoma të kësaj sëmundjeje. Temperaturë, dhimbje trupi, të vjella, këto janë simptomat. A e kuptoni ju sa virusie janë me këto simptoma? Nuk e gjen dot, vetëm përmes PCR (testit në gjak). Po të ishte aq e lehtë, do kishim parandaluar Covid ne. Fatmirësisht nuk është një situatë krize me këtë virus, por kjo nuk do të thotë se ne nuk duhet të jemi gati”, tha mes të tjerash Alimehmeti.