Oklahoma City Thunder i mposhti Los Angeles Lakers me rezultatin 4-0 në seri dhe u kualifikua në finalen e Play-Off të Konferencës Perëndimore.
Pas fitoreve rutinë në tre ndeshjet e para (108:90 dhe 125:107 në Oklahoma dhe 131:108 në Los Angeles), në ndeshjen e katërt që u luajt në Los Angeles, pamë një fund emocionues në të cilin Thunder fitoi me rezultatin 115:110 dhe kaloi tutje.
Në minutën e fundit, rezultati ishte 109:108 për Oklahomën, pas së cilës Marcus Smart bëri dy gjuajtje për t’i dhënë Lakers avantazhin 110:109.
Read more:Oklahoma ngritë epërsinë ndaj Suns, Pistons barazojnë rezultatin përballë Magic
– YouTube www.youtube.com
Megjithatë, që nga ai moment deri në fund të ndeshjes, Lakers nuk shënuan asnjë pikë, dhe për Thunder, Chet Holmgren shënoi me një ngulje topi, dhe Shai Gilgeous-Alexander dhe Ajay Mitchell shënuan nga dy herë secili nga vija e gjuajtjeve të lira.
Gilgeous-Alexander udhëhoqi Oklahomën me 35 pikë dhe 8 asistime, ndërsa në anën tjetër LeBron James ishte më i miri me 24 pikë dhe 12 ribaunde.
Read more:Oklahoma goditet nga disa tornado, dëme të mëdha, autoritet në alarm pas stuhive të forta
Në finale OKC do të pres fituesin e duelit San Antonio Spurs – Minnesota Timberwolves. /Telegrafi/
