Sipas Mundo Deportivo, Borussia Dortmund po i përshpejton bisedimet për të transferuar këtë verë sulmuesin e Real Madridit, Gonzalo Garcia.
Talenti spanjoll ka pasur vështirësi të gjejë hapësira të rregullta këtë sezon për shkak të pranisë së Kylian Mbappe, ndaj edhe mundësia që ai të largohet nga “Los Blancos” është rritur, duke parë pasigurinë për të ardhmen e tij.
Gjiganti gjerman i ka shpjeguar Garcias projektin sportiv dhe, sipas raportimit, i kanë premtuar një rol të rëndësishëm si titullar, pasi Serhou Guirassy mund të largohet në fund të sezonit.
Read more:Top 10 skuadrat që kanë mbajtur më së shumti portën e paprekur – gjashtë janë nga Serie A
Ata kanë propozuar një huazim me të drejtë blerjeje, me një shumë që varion nga 20 deri në 35 milionë euro.
Ndërkohë, “Los Blancos” mund të fusin në marrëveshje një klauzolë riblerjeje dhe të mbajnë një përqindje të të drejtave ekonomike të lojtarit.
Read more:"Vetëm tym, pas një sezonit të dështuar" – Barcelona i përgjigjet Florentino Perezit
Garcia është produkt i akademisë së Real Madridit, një burim i rëndësishëm talentesh për klubin madrilen.
Ndërkohë, Dortmund njihet gjerësisht si një klub që u jep minuta dhe përgjegjësi lojtarëve të rinj, duke i zhvilluar dhe rritur vlerën e tyre në nivele të larta në Bundesliga dhe në garat europiane./Telegrafi/
