Presidentja e Komisionit Evropian, Ursula von der Leyen, njoftoi se pati një bisedë telefonike me Presidentin e Turqisë, Recep Tayyip Erdogan.
“Turqia është një partner kyç në një rajon në trazira”, shkroi Von der Leyen në një postim në X, ndërsa shtoi se “BE vlerëson përpjekjet e Turqisë për të mbështetur deeskalimin dhe një zgjidhje diplomatike të konfliktit me Iranin”.
“Ne diskutuam gjithashtu për Mesdheun Lindor dhe çështjen e Qipros. Ne nënvizuam rëndësinë e marrëdhënieve BE-Turqi”, theksoi presidentja.
Postimi i plotë i Von der Leyen:
Bisedë telefonike shumë e mirë me Presidentin Erdogan.
Turqia është një partner kyç në një rajon në trazira.
Interesat tona përputhen: ruajtja e rrugëve të hapura tregtare, rrjedhat e energjisë dhe stabiliteti i zinxhirëve të furnizimit. Ne do të vazhdojmë të punojmë ngushtë së bashku për këto prioritete.
BE-ja vlerëson përpjekjet e Turqisë për të mbështetur de-eskalimin dhe një zgjidhje diplomatike të konfliktit me Iranin.
Ne diskutuam gjithashtu për Mesdheun Lindor dhe çështjen e Qipros. Ne nënvizuam rëndësinë e marrëdhënieve BE-Turqi.
BE-ja është e gatshme të mbështesë procesin e udhëhequr nga OKB-ja në të gjitha fazat.
