Është mbyllur protesta e ditës së 8-të në Tiranë kundër projektit në Zvërnec.
Qytetarët u mblodhën edhe këtë të diel përpara Kryeministrisë.
Gjatë protestës, ata kanë shtuar edhe disa kërkesa të tjera: Shëndetësia, arsimi, bujqësia, pensionistët dhe minatorët.
Ndërkohë, në fund të tubimit u bë thirrje për një protestë mbarëkombëtare më 10 qershor.
19:35 Protesta në Tiranë/ Një fëmijë humbet mes turmës, qytetarët ulen në tokë
Një fëmijë ka humbur mes turmës, ndërkohë që u bë thirrje për gjetjen e tij. Të gjithë qytetarët u ulën në tokë për të ndihmuar gjetjen e të miturit.
18:20 Demokratët i bashkohen protestës, TCH zbulon SMS-në e shpërndare nga degët: Të jemi të gjithë bashkë
Demokratët vendosën t’i bashkohen protestës së qytetarëve në ditën e 8-të të saj. Përmes një mesazhi të shpërndarë strukturave, krerët e degëve në Tiranë njoftojnë anëtarët të dalin të gjithë bashkë, të organizuar në protestë.
