Stuhia tropikale Arthur është formuar në brigjet e Teksasit dhe pritet të shkaktojë reshje të dendura shiu dhe përmbytje të rrezikshme, njoftoi Qendra Kombëtare e Uraganeve e SHBA-së.
Sipas autoriteteve meteorologjike, kjo është stuhia e parë e emëruar e sezonit të uraganeve në Atlantik për vitin 2026.
Stuhia ndodhet rreth 60 kilometra në lindje-verilindje të Port O’Connor, Teksas, me erëra maksimale të qëndrueshme që arrijnë deri në 65 km/orë.
Autoritetet paralajmërojnë se Arthur pritet të sjellë nga 12 deri në 25 centimetra reshje shiu. Në disa zona, niveli i reshjeve mund të arrijë deri në 25 centimetra deri të premten, duke prekur Teksasin, Luizianën, Misisipin, Alabamën, si dhe pjesë të Xhorxhias dhe Floridës.
Shërbimi meteorologjik me seli në Miami paralajmëron se këto kushte mund të shkaktojnë përmbytje të menjëhershme, të rrezikshme dhe potencialisht kërcënuese për jetën në disa rajone.
Autoritetet u bëjnë thirrje banorëve të zonave të prekura të ndjekin udhëzimet e emergjencës dhe të tregojnë kujdes të shtuar gjatë ditëve në vijim.
Tropical Storm Arthur has officially formed near the middle of the Texas coast. Our first named storm of the 2026 Atlantic Hurricane season.
Life threatening flooding is expected along portions of the Gulf coast. Here’s the latest track. pic.twitter.com/VV2yiBBcU7
