Ka nisur organizimi në sheshin Skënderbej, ku protestohet kundër qeverisë dhe kërkohet dorëheqja e kryeministrit Edi Rama.
Ata kanë përmendur edhe rastin e ish-ministrit në Spanjë ku dënua me 24 vite burg, ndërsa kërkojnë që drejtësia të bëjë punën në Shqipëri.
“Kjo qeveri antishqiptare ia ka bërë jetën të pamundur çdo qytetari. Rrogat më të ulëta në Europë dhe çmimet më të larta. Kjo tregon se këtu ka një axhendë shpopulluese të mirëfilltë. Drejtësi duhet bërë siç u bë në Spanjë, një ish ministër u dënua me 23 vite burg…Këtu jemi të gjithë bashkë. Sigurisht do ketë tentativa për përçarje, por ne do i shkojmë deri në fund. Dorëheqje dhe qeveri teknike. Nëse kjo qeveri nuk e ka kuptuar akoma, atëherë do të ketë një përshkallëzim dhe përshkallëzimin do e vendosë, sovrani populli se si do të bëhet”, u shpreh një protestues.
