Gjuetia e paligjshme ka lulëzuar në këto 10 vite të moratoriumit, kjo sipas shoqatës së gjuetarëve të Vau Dejësit. Sipas gjuetarëve të shoqatës, pretendohet se gjatë natës vijon gjuetia e paligjshme, duke penalizuar pikërisht gjuetarët që respektojnë ligjin.
Për të rritur numrin e shpendëve të zhdukur nga gjuetia e paligjshme, shoqata e gjuetarëve “Traditë dhe pasion” në Vau Dejës hodhi 100 krerë rast për fllanxë fushe për shumimin e saj.
“Të jesh gjuetar nuk është e lehtë. S’mund të bëhet çdokush gjuetar, mund të bëhesh vrasës shpendësh por jo gjuetar. Këto 10 vjet gjuetia na ka penalizuar. Në vend të shtohen shpendët u shtuan kafshët e egra. Na kanë bërë dëm të madh. Ne kemi lëshuar rasat vit për vit. Mendoj që sezoni hapet këtë vit, do të gjuajmë me kritere, zonat do t’i mbrojmë vetë ne” tha një përfaqësues i Shoqatës së Gjuetisë.
Gjuetarët e rregullt presin që sa më shpejt të jetë e mundur të futet në zbatim ligji i gjuetisë i cili është miratuar në Parlament në dhjetor të 2025.
