Një konflikt i vjetër dyshohet të jetë shkaku i plagosjes së 35-vjeçarit Brian Syzo në Pogradec. Sherri që daton në tetor 2025 kur vëllai i tij, Adni Syzo plagosi në një berberhane Nikolla Agollin, përshkallëzoi mesditën e së hënës.
24-vjeçari Agolli plagosi Brian Syzon në këmbë. Plumbi i ka kapur njërën prej venave kryesore dhe nevojitet trajtim i specializuar, ndaj është dërguar me helikopter drejt Spitalit të Traumës në Tiranë.
Arratia e Agollit nuk zgjati shumë. Falë koordinimit me policinë e Elbasanit, ai u kap në Prrenjas. Makina e tij u gjet në Qafë-Thanë, ndërsa vijojnë kërkimet për armën e krimit që dyshohet të jetë hedhur në një zonë pranë liqenit.
Syzo, nuk është emër i panjohur për autoritetet. 35-vjeçari është ekstraduar nga Gjermania në gusht të vitit 2025. Ndaj tij kishte masë sigurie arresti në burg nga Gjykata e Korçës për shitje të dozave të kokainës në Pogradec.
Njoftimi i policisë:
Plagosi me armë zjarri një 35-vjeçar në Pogradec dhe u largua, kapet në Përrenjas pas disa minutash ndjekjeje nga Policia.
Rreth orës 13:15, në lagjen nr. 3, dyshohet se, gjatë një konflikti, shtetasi N. A., 24 vjeç, banues në Buçimas, Pogradec, ka plagosur me armë zjarri, në këmbë, shtetasin B. S., rreth 35 vjeç, i cili po merr mjekim në spital dhe është jashtë rrezikut për jetën.
Shërbimet e Policisë së Pogradecit, në bashkëpunim me shërbimet e Stacionit të Policisë Përrenjas, kapën dhe po shoqërojnë në Komisariat, për veprime të mëtejshme procedurale, autorin e dyshuar të ngjarjes.
Read more:Të shtëna me armë zjarri në Shkodër, Policia rrethon zonën
Grupi hetimor, nën drejtimin e Prokurorisë, vijon veprimet për zbardhjen e rrethanave të konfliktit dhe dokumentimin ligjor të ngjarjes.
Lajm në përditësim…
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.
Plagosja në Pogradec/ Plumbi në këmbë i preku një venë kryesore, Brian Syzo transportohet me helikopter te Trauma
Pas plagosjes nga 24-vjeçari Nikolla Agolli, Brian Syzo po transportohet me helikopter drejt Spitalit të Traumës në Tiranë.
Read more:Drejt plazhit e protestës! Fluks pushuesish për bregdet, makina ‘kuqezi’ për Tiranë (VIDEO)
Plumbi i ka kapur njërën prej venave kryesore që mund të rrezikojë deri në amputimin e këmbës dhe nevojitet trajtim i specializuar.
Plagosja e Brian Syzos në Pogradec/ Gjendet në Qafë-Thanë makina e autorit Nikolla Agolli, kërkime për armën
Makina e autorit Nikolla Agolli që plagosi Brian Syzon në Pogradec, është gjetur në Qafë-Thanë.
24-vjeçari u arrestua në Prrenjas, ndërsa vijojnë kërkimet për armën e krimit. Policia po kërkon në një zonë afër liqenit ku dyshon se mund të jetë hedhur.
