Temperaturat e larta, kanë nisur të shoqërohen, dhe me zjarre. Gjatë kësaj të diele, flakët përfshin një sipërfaqe të konsiderueshme me ullishte në Fier, duke u përhapur me shpejtësi.
Fillimisht flakët përfshinë një sipërfaqe me ullishte në zonën e Drizës në bashkinë e Fierit, ndërsa era zgjeroi më pas perimetrin e sipërfaqes së përfshirë nga zjarri duke e përhapur drejt fshatit Peshtan.
Zjarri iu afrua depoveve qendrore të furnizimit me ujë të qytetit të Fierit. Në rrezik dhe një lokal aty pranë.
Situata, paraqitet komplekse. Për të frenuar përhapjen e mëtejshme të flakëve, të cilat kanë marrë drejtimin e zonave të banuara janë angazhuar zjarrfikëse të Fierit, Rroskovecit, Patosit, Albpetrolit, ndërkohë që pritet dhe ndërhyrje nga ajri.
Paraprakisht dyshohet se zjarri është vendosur qëllimisht, por deri më tani ende nuk ka një konfirmim të policisë.
Lajm ne perditesim…
Zjarri në Drizë të Fierit, nis ndërhyrja nga ajri (VIDEO)
Zjarri në Drizë të Fierit, ka zgjeruar shtrirjen e tij për shkak të bimësisë dhe erës.
Për neutralizimin e zjarrit përveç zjarrfikësve po ndërhyhet edhe nga ajri.
Zjarri në Fier, përgjegjësi i sektorit të mbrojtjes civile: Situata mbetet problematike! Në fokus mbrojtja e banesave (VIDEO)
Përgjegjësi i sektorit të mbrojtjes civile pranë Prefekturës Fier tha se vatra e zjarrit mbetet problematike për shkak se banesat janë pranë zonës së ullishteve.
“Situata është problematike, është një vatër zjarri që ka marrë një shtrirje të gjerë për shkak të bimësisë dhe erës. Jemi të fokusuar në mbrojtjen e banesave, pasi këtu ëshjë një zonë e banuar. Në vendngjarje ndodhen 10 automjete zjarrfikëse dhe 50 efektivë”, tha Kreshnik Ymeraj.
Xh.K/Shqiptarja.com
