“Shqiptarët të vijnë në protestë për fëmijët e tyre”/ Organizatori i marshimeve, Visuar Dalipi: Po u dërgojmë letër ambasadave për kërcënimet që na bën qeveria

Organizatori i marshimeve, Visuar Dalipi u shpreh në “Programin e Drekës” me Ola Bruko në News24, se po përgatisin një letër drejtuar ambasadave të huaja në vendin tonë, duke i informuar me kërcënimet që bëjnë segmente të qeverisë ndaj protestuesve.

Dalipi pati një thirrje për të gjithë shqiptarët duke i ftuar t’i bashkohen protestave masive para Kryeministrisë pasi nga kjo, siç shtoi, varet e ardhmja e brezave më të rinj.

Read more:Lubonja: Projektet në librin “Albanian Files” u bënë kur nuk ishte ndryshuar ligji i zonave të mbrojtura. Investitorët anonimë, dyshime për pastrim parash!

“Kam 1 muaj e pak ditë pa gjumë, fle 2-3 orë në ditë. Luftën e kam nisur në rrjetet sociale para 3 vitesh, u kam thënë shqiptarëve stop se do ndodhin këto gjëra, kam qenë i pari që kam thënë ngrihuni nga kafja. Ne po luftojmë për të ardhmen e tyre dhe na bëjnë video e qeshin… Të vijnë aty për të ardhmen e fëmijëve të tyre. Unë kam 1 muaj pa parë djalin. Kjo nuk duhet të ndodhë. Pas 3 muajsh miratojnë ligjin e SHISH, që mund të të vijnë në shtëpi, kontroll akoma edhe më diktatorial se në kohën e diktaturës”, tha ai.

Read more:“Ju erdhi fundi!”/ Mbyllet pas katër orësh protesta para Kryeministrisë, qytetarët nisin marshimin në rrugët e Tiranës, nuk harrojnë dy djemtë e burgosur: Jemi me ju!

Pjesë nga intervista

Visuar Dalipi: Qeveria mbron krimin dhe gangsterët janë jashtë. Këto janë tentativat e fundit. Kemi përgatitur një letër për të gjitha ambasadat, të gjithë personat që janë kërcënuar. Do informojmë çdo ambasadë të mundshme. Të paktën t’i informojmë edhe nëse nuk na vijnë në ndihmë.

Ola Bruko: Ju jeni të vendosur t’i shkoni deri në fund protestës…
Visuar Dalipi: Kam 1 muaj e pak ditë pa gjumë, fle 2-3 orë në ditë. Luftën e kam nisur në rrjetet sociale para 3 vitesh, u kam thënë shqiptarëve stop se do ndodhin këto gjëra, kam qenë i pari
që kam thënë ngrihuni nga kafja. Ne po luftojmë për të ardhmen e tyre dhe na bëjnë video e qeshin… Të vijnë aty për të ardhmen e fëmijëve të tyre. Unë kam 1 muaj pa parë djalin. Kjo nuk duhet të ndodhë. Pas 3 muajsh miratojnë ligjin e SHISH, që mund të të vijnë në shtëpi, kontroll akoma edhe më diktatorial se në kohën e diktaturës.

Read more:“Dorëheqja nuk është opsion!”/ Pas CNN, Rama përplaset dhe me gazetaren e DW: Ku i ke provat? Je gazetare apo jo?!

Ola Bruko: Ka kërcënime ndaj jush, ju nuk ndaleni, nuk ndaleni as nga tentativat e politikës për t’ju përçarë…
Visuar Dalipi: Kemi qëndruar 2 orë me dhimbje ekstreme nga sprajti, të tjerët nuk e dinë çfarë efektesh ka. Na ka shktaktuar djegie të lëkurës deri të nesërmen. Jemi larë me ujë të oksigjenuar dhe lekura e ndjen akoma edhe sot. Ajo është llogaritur që kur e përdor ta ndalosh, përdoret ndaj arinjve. Kam pamje filmike që i godasin nga afër në sy. Kam marrë videot e Osman Stafës që e falenderoj për qëndresën e tij dhe për gjithçka. Këto janë shkelje të të drejtave të njeriut.

Read more:Nga statistikat te veprimi, si po luftohen sëmundjet kronike jo-ngjitëse në Kosovë?

Duhet të vihen në dijeni ambasadat dhe e gjithë bota. Kjo nisi për Zvërnecin. Në 1990 studentët e nisën protestën se ikën dritat 2 ditë… Kjo ndodhi edhe sot. Ata që fikën dritat në ’90 u duhet bërë një kafe. Dhe këtyre që bënë atë gjënë në Zvërnec u duhet dhënë një kafe sepse zgjuan shqiptarët.