Pas ndalimit në pikën e kalimit kufitar në Shqipëri, deputeti shqiptar i Maqedonisë së Veriut, Adnan Azizi, ka reaguar përmes një postimi në rrjetet sociale.
Azizi ishte pjesë e delegacionit ku ndodheshin edhe shefi i Grupit Parlamentar të VLEN-it, Bekim Qoku, deputeti Hasim Murtezani, si dhe zëvendëssekretari i përgjithshëm i Qeverisë së Maqedonia e Veriut.
Në reagimin e tij në Facebook, Azizi falënderoi të gjithë ata që i kanë shprehur mbështetje dhe tha se nuk është trembur nga asnjë pushtet.
“Në gjithë ato vite veprimi politik, nuk na ka trembur e zbrapsur asnjë pushtet e asnjë tiran. Aq më pak këta të Open Ballkanit”, shkroi ai.
Deputeti theksoi se Shqipëria nuk është pronë e askujt dhe se u përket të gjithë shqiptarëve, pavarësisht se kush qeveris në Tiranë.
“Shqipëria nuk është pronë e askujt. Ajo është po aq e jona sa e çdo shqiptari, pavarësisht se kush qeveris në Tiranë. Pushtetet janë të përkohshme. Shqipëria është e përhershme. Shqipëria mbetet gjithmonë e shqiptarëve!”, përfundon reagimi i Azizit.
Reagimi;
Ju faleminderit miqve për mesazhet dhe kujdesin.
Në gjithë ato vite veprimi politik, nuk na ka trembur e zbrapsur asnjë pushtet e asnjë tiran.
Aq më pak këta të Open Ballkanit.
Shqipëria nuk është pronë e askujt. Ajo është po aq e jona sa e çdo shqiptari, pavarësisht se kush qeveris në Tiranë.
Pushtetet janë të përkohshme. Shqipëria është e përhershme.
Shqipëria mbetet gjithmonë e shqiptarëve!
