Teksa vendi ynë prej 53 ditësh po përballet me protesta masive, ku kërkohet dorëheqja e kryeministrit Edi Rama, mesazhi i arkitekti i njohur, Maks Velo mbetet tejet aktual. Në një debat televiziv vite më parë Velo akuzoi hapur Ramën për disa projekte infrastrukturore, siç ishte ndërtimi i stadiumit “Air Albania”.
Sipas tij, Rama do patjetër që bashkëpunëtorët e tij të thonë atë se çka do ai.
“Unë pashë që ai të përdor. Problemi i tij është që ai do që të thuash atë që ai do. Këtë dalëngadalë unë e kuptova. Çdo njeri që nuk është dakord me atë, duhet të largohet. Rasti i Teatrit Kombëtar ishte katastrofë. Por do shohësh se çfarë katastrofe do të jetë shtatori, me rastin e stadiumit Qemal Stafa. Është e pariparueshme. Do të bëjë një qendër tregtare, hoteliere, me një stadium të vogël. Ky të ishte stadiumi kombëtar i yni, dhe të eliminosh pistën olimplike, se bën dot! Si është mundësi që ky njeri sportist shpik pistën e atletikën për ta bërë dyqane. U mbushëm me dyqane. Po pse i bëjnë? Vjedhin ajrin. Ne jemi gati të vjedhim çdo gjë.”, pohonte asokohe arkitekti i ndjerë.
