Opozita kërkon kreun e Policisë në Komision/ Debati, Vokshi nxehet me Gjiknurin: Mos më thuaj “e dashur”! Socialisti: Për ta bërë jetën me ngjyra!

Është shoqëruar me debate mes opozitës dhe mazhorancës mbledhja e Komisionit të Posaçëm Parlamentar për Realizimin e Reformës Zgjedhore. Opozita ka kërkuar që i pranishëm në sallë të ishte kreu i Policisë së Shtetit, Skënder Hita.

Gjatë fjalës së tij, bashkëkryetari i këtij komisioni, Damian Gjiknuri teksa debatonte me Vokshin iu drejtua kësaj të fundit me termin ‘e dashur’, ndërkohë që demokratja reagoi ashpër.

Read more:Opozita nuk lëshon pe për raportimin e Avokatit të Popullit/ Shtyhet seanca, e radhës më 23 korrik. Bardhi: Nuk doni të diskutohet Akti Normativ për 4.3 mln eurot e Kanye West

DEBATI
Gjiknuri:Duro, jeta nuk është bardh e zi e dashur!
Vokshi: Mos më thuaj mua e dashur ti. Mos më thuaj mua ashtu, e dashur. Jam anëtare e komisionit
Gjiknuri: Po çfarë të them? E nderuar, zonjë, për ta bërë jetën me ngjyra
Vokshi: Mos u merr me jetën time personale.
Gjiknuri: S’po merrem me jetën personale.
Vokshi:Këto janë batutat të kota.
Gjiknuri:Batuta, që të shtensionojë. Mos të ngatërrojmë rolet. Ccpunë kam me drejtorët e rretheve unë? Policia është organ i cëntralizuar. E mira do të ishte që të ishte drejtori i policisë këtu. Mirë dakord, të mbaroj unë. Pse mërziteni?! Doni të vijë ai? Mirë pra, të bëjmë kërkesë.

Read more:Qeveria dha 4.3 mln euro për koncertin e Kanye West, “Ligjet” miratojnë aktin normativ me votat e mazhorancës