Protestuesit kanë nisur marshimin nga sheshi “Skënderbej” drejt Kryeministrisë.
Lëvizja qytetare kundër qeverisë vijon edhe sot në Tiranë, ku do të zhvillohet protesta e 54 radhazi me kërkesën kryesore për dorëheqjen e kryeministrit Edi Rama dhe largimin e qeverisë.
Protestuesit do të mblidhen fillimisht në Sheshin Skënderbej, nga ku më pas do të marshojnë drejt Kryeministrisë.
Read more:VIDEO/ Hodhi ujë drejt Ramës, Peleshi përjashton Bardhin. Mazhoranca voton pa debat rendin e ditës
Organizatorët kanë bërë thirrje për pjesëmarrje masive, duke deklaruar se mobilizimi do të vijojë çdo ditë deri në plotësimin e kërkesave të tyre.
Për 54 ditë me radhë, qytetarë të shumtë janë mbledhur në kryeqytet duke protestuar ndaj një sërë çështjesh që, sipas tyre, dëmtojnë interesin publik.
Read more:54 ditë revoltë! Shqiptarët mbushin sheshet për dorëheqjen e Ramës, të vendosur: Nuk ka negociata!
Mes tyre përmenden kundërshtimet ndaj investimit në Zvërnec, ligjit për investitorët strategjikë, Paketës së Maleve, si dhe ndryshimeve për zonat e mbrojtura dhe trashëgiminë kulturore.
Gjatë protestave nuk kanë munguar thirrjet kundër qeverisë dhe klasës politike, ndërsa protestuesit kanë kërkuar ndryshime të thella politike dhe institucionale.
Ditën e sotme protestat kanë nisur që prej orës 08:30 para Kuvendit ku qytetarët u përballën me dhunë të paprecedentë nga ana e policisë. Ata qëlluan me vezë dhe hodhën thirrje në drejtim të deputetëve.
