Edi Rama i opozitës dhe Edi Rama i pushtetit duket se flasin dy gjuhë të ndryshme. Kur ishte në opozitë, ai e paraqiste largimin e qeverisë si pikënisjen e domosdoshme për ndryshimin që, sipas tij, kërkonin shqiptarët. Sot, më shumë se një dekadë pasi mori drejtimin e vendit, fjalët e tij të dikurshme marrin një tjetër kuptim. Prej 84 ditësh, mijëra qytetarë vijojnë protestën në Tiranë, duke kërkuar pikërisht atë që Rama kërkonte dikur nga qeveria që kundërshtonte, largimin e kryeministrit dhe ndryshimin e pushtetit.
Edi Rama në vitin 2011: Ka një ëndërr që i bashkon të gjitha ëndrrat, ëndrra e ndryshimit. Që ëndrra e ndryshimit të fillojë të marrë krah, padyshim duhet filluar nga largimi i qeverisë që i pengon ëndrrat të marrin krah.
***
Kontrasti është i fortë. Rama i opozitës e konsideronte largimin e qeverisë kusht për t’i dhënë krah ëndrrës së ndryshimit. Rama i sotëm përballet me një protestë 84-ditore që kërkon largimin e tij nga pushteti, por refuzon dorëheqjen.
Nga politikani që premtonte se ndryshimi do të niste me largimin e qeverisë, në kryeministrin që prej vitesh mban pushtetin duke mos reflektuar përballë thirrjeve të qytetarëve, ky është një nga kontrastet më të forta të metamorfozës politike të Edi Ramës.
Read more:Berisha bashkëbisedim me qytetarët: Krimi i organizuar sundon vendin, Rama vijon pushimet
Dhe pyetja që mbetet është e thjeshtë: Nëse largimi i një qeverie ishte dikur rruga për t’i dhënë krah ndryshimit, çfarë e bën sot të panatyrshëm largimin e qeverisë së tij?
