Një qytetar pjesëmarrës në protestën kundër qeverisë ka bërë deklarata të forta ndaj kryeministrit Edi Rama, duke kërkuar largimin e tij nga detyra.
Në fjalën e tij gjatë tubimit, qytetari tha se sipas tij Rama ka dëmtuar vendin dhe bëri krahasime me figura historike.
“Rama ia kalon dhe Esat Pashë Toptanit, ia kalon dhe Hamzait. Dorëzohu Rama”, u shpreh ai.
Qytetari ngriti gjithashtu akuza politike ndaj qeverisë, duke pretenduar se synohet ndryshimi i identitetit të vendit.
“Ata duan të formojnë një Izrael të dytë në Europë”, deklaroi ai, pa paraqitur prova për këtë pretendim. Ai kërkoi që çështjet politike të vendosen përmes vullnetit të qytetarëve dhe bëri thirrje për një Shqipëri të bashkuar.
“Policia të na dorëzojë Ramën dhe gjyqin t’ia bëjë populli. Duam Shqipërinë e bashkuar, unike, që na la Skënderbeu dhe Ismail Qemali”, tha qytetari.
