VKM/ Vlerësim për luftën kundër zjarreve të vitit 2026, një pagë mujore shpërblim për Forcat e Armatosura

Forcat e Armatosura do të shpërblehen me një pagë mujore si vlerësim për punën e tyre për shuarjen e zjarreve të këtij viti. Shpërblimido të përllogaritet mbi bazën e pagës bruto të punonjësit.

Për personelin e Forcave të Armatosura janë planifikuar gjithsej 154,281,120 lekë që do të ndahen sipas buxheteve përkatëse.

V E N D I M PËR SHPËRBLIMIN E PERSONELIT TË ANGAZHUAR NË OPERACIONET PËR SHUARJEN E ZJARREVE GJATË VITIT 2026

Read more:Forcat e armatosura të SHBA-së rrëzojnë dronë iranianë në Hormuz, kishin objektiv goditjen e anijeve tregtare që transportonin naftë

Në mbështetje të nenit 100 të Kushtetutës dhe të nenit 44, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, me propozimin e ministrit të Mbrojtjes, Këshilli i Ministrave

V E N D O S I:

1. Shpërblimin e personelit të Forcave të Armatosura të angazhuar për shuarjen e zjarreve gjatë vitit 2026, në masën e 1 (një) page mujore.

2. Njësitë e vetëqeverisjes vendore, të cilat do të angazhojnë personel në varësi për shuarjen e zjarreve gjatë vitit 2026, do të shpërblejnë personelin e përfshirë, në masën e 1 (një) page mujore. Efektet financiare do të përballohen nga buxhetet përkatëse të njësive të vetëqeverisjes vendore.

Read more:Banka e Shqipërisë shton blerjet e euros, në tremujorin e parë u blenë 95.5mln, por monedha vijon të dobësohet kundrejt lekut

3. Shpërblimi llogaritet mbi bazën e pagës mujore bruto të punonjësit të angazhuar në operacionet e shuarjes së zjarreve.

4. Efektet financiare për personelin e strukturave të Forcave të Armatosura, sipas pikës 1, të këtij vendimi, llogariten në vlerën prej 154 281 120 (njëqind e pesëdhjetë e katër milionë e dyqind e tetëdhjetë e një mijë e njëqind e njëzet) lekësh, të cilat përballohen nga buxheti i planifikuar për Ministrinë e Mbrojtjes, përkatësisht, 115 710 840 (njëqind e pesëmbëdhjetë milionë e shtatëqind e dhjetë mijë e tetëqind e dyzet) lekë në programin buxhetor “Forcat e luftimit”, 33 941 846 (tridhjetë e tre milionë e nëntëqind e dyzet e një mijë e tetëqind e dyzet e gjashtë) lekë në programin buxhetor “Mbështetja e luftimit” dhe 4 628 434 (katër milionë e gjashtëqind e njëzet e tetë mijë e katërqind e tridhjetë e katër) lekë në programin buxhetor “Emergjencat civile”.

Read more:PS refuzoi kërkesën për shtyrjen e afatit të Territoriales, Berisha thirrje qytetarëve për pjesëmarrje në protestë, paralajmëron: Shumë shpejt përgatitemi për…

5. Ngarkohen Ministria e Mbrojtjes dhe njësitë e vetëqeverisjes vendore për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.