Para SPAK-ut, avokati Kujtim Cakrani deklaroi se toka që klienti i tij Artur Shehu i ka shitur dy vëllezërve sirianë me banim në Katar, është me certifikatë trashëgimie. Cakrani u shpreh se në sekuestro është vetëm llogaria bankare 110 mln euro e Shehut, të cilën do ta ankimojë. Nëse, sipas tij, do kishte pasur falsifikim, do të ishte sekuestruar edhe toka në Zvërnec.
Read more:62 ditë revoltë! Qytetarët kërkojnë dorëheqjen e Ramës, të shtunën paralajmërohet protestë masive
“Janë në sekuestro llogaria bankare për të cilin nuk ka marrë njoftimi, më caktoi me anë të prokurës të interesohem për çështjen e tij gjyqësore. Në kuptim të kësaj i kam kërkuar prokurorisë të më vendosë në dispozicion vendimin dhe urdhrin e sekuestros, sepse z. Shehu do e ankimojë atë dhe do vazhdojë procedurat e tij. Janë vënë në sekuestro shuma financiare, shitja për Zvërnecin dhe duhet të kuptoni që ajo sipërfaqe toke sot nuk është as e familjes Shehu dhe as shtetit shqiptar, po dy vëllezërve sirianë që jetojnë në Katar, ajo ka certifikatë pronësie në emër të tyre. Kjo është një anomali, është 110 milionë euro dhe kjo është anomali juridike se nëse do kishte falsifikim, gjë e parë do bëhej sekustrimi i tokës. Në rastin konkret janë sekuestruar paratë, është lejuar toka që do vazhdojnë ndërtimin e projektit në Zvërnec, lajmi konfirmuar dhe nga kryeministri. Shehu përballë një padrejtësie që shiti një tokë, nëse prona do ishte falsifikuar pse nuk është sekuestruar”, tha Cakrani.
