Radhë janë krijuar në Pikën e Kalimit Kufitar të Qafë Botës, për shkak të problemeve me sistemin e regjistrimit në anën greke.
Sipas burimeve nga pika e kalimit kufitar Qafë Botë, është bllokuar përkohësisht regjistrimi i personave dhe automjeteve, duke sjellë radhë për qytetarët që presin të hyjnë në territorin grek.
Pas komunikimit të palës shqiptare me autoritetet greke, është bërë me dije se sistemi i tyre ka pësuar një defekt teknik dhe aktualisht po punohet për rikthimin e tij në funksion.
