Një qytetar shqiptar i ardhur nga Gjermania ka bërë thirrje për bashkim qytetar gjatë protestës kundër qeverisë së kryeministrit Edi Rama, duke kërkuar që shqiptarët të bashkohen përtej bindjeve politike.
Ai u shpreh se protestat nuk duhet të shoqërohen me përplasje, por me kërkesa për të drejtat dhe një qeverisje më të mirë.
“Ne nuk jemi për të marrë armët kundër njëri-tjetrit. Por të bashkohet i gjithë populli në këtë protestë për të drejtat tona. I bëjmë thirrje të bashkohen të gjithë, të majtë dhe të djathtë”, deklaroi ai.
Read more:Mirditë/ Humbi kontrollin e motorit, ndërron jetë shqiptari i Kosovës
Duke theksuar se vetë ka bindje socialiste, qytetari tha se kundërshtimi i tij lidhet me mënyrën e qeverisjes aktuale.
“Edhe unë jam socialist, por nuk e duam këtë siç e ka bërë Rama. Duam një qeveri që ta marrë rinia. E majta dhe e djathta nuk duhet të jenë më”, u shpreh ai.
Read more:Rama mund ta fusë Shqipërinë në fazën e “jostabilitetit të menaxhuar” – Ide
Deklarata e tij u bë gjatë protestës ku qytetarë të ndryshëm kanë shprehur pakënaqësi ndaj qeverisë dhe kanë kërkuar ndryshime në mënyrën e drejtimit të vendit.
