Nënkryetari dhe deputeti i Partisë Demokratike, Belind Këlliçi përmes një postimi në rrjetet sociale ka komentuar njoftimin e Agjencisë për Media dhe Informim ku ky organ pranë kryeminstrit kërkon të rekrujtojë punonjës.
Këlliçi shprehet se Rama ka një imazh të rrënuar dhe është në krizë legjitimiteti.
Deputeti demokrat shprehet se kjo Agjenci është një agjenci censure dhe njoftimet janë propaganda që nuk i shërbejnë transparencës.
Po ashtu Këlliçi deklaron se pankartat në shesh gjatë protestave kanë rrëzur investimet e shtrenjta të Edi Ramës.
“Në kohën kur imazhin e ka të rrënuar, kur është në krizë totale legjitimiteti prej revoltës popullore që ka shpërthyer kudo në Shqipëri ndaj tij, Edi Rama mendon se zgjidhja është: më shumë propagandë.
Pra jo më shumë reflektim, jo më shumë tërheqje, jo më shumë pranim i dështimit, por më shumë luftë, më shumë mashtrim, më shumë deformim të realitetit, më shumë keqinformim.
Këtë e tregon njoftimi i bërë publik ku Agjensia për Media që është në rang ministrie, kërkon të shtojë organikën. Nuk bëhet fjalë këtu për specialistë, por për punëtorë të propagandës.
Këtë lajmërim e ka ndarë vetë Rama në rrjetet e tij sociale, siç nuk e ka bërë për agjensi apo zyra të tjera që ka nën varësi.
Agjensia e Ramës në fakt është një drejtori censure, kontrolli dhe shpërndarje të mesazhit që i intereson Kryeministrit dhe s’ka asnjë lidhje me transparencën apo komunikimin. Edhe pse e kritikuar edhe nga organizata ndërkombëtare të medias për rolin e saj, vijon të fryhet e zmadhohet.
Read more:Një vit pas sulmit shtetëror, News24 vijon misionin. 71 ditë pranë protestës së qytetarëve
Edi Rama nuk po e kupton se pankartat me letër A4 dhe me shkrim dore në shesh, janë kanë hedhur në tokë investimin shumë të shtrenjtë që ai bën prej vitesh në propagandë, me mediat që kontrollon e me rrjetin e opinionistëve që mban e me favoret e paratë që shpërndan.
Tani Ramës mund t’i hyjnë në punë vetëm avokatë të mirë.
Shpejt, kur të mos ketë më pushtetin që ka, do të përballet me drejtësinë për shumë afera e krime të rënda financiare”, shkruan ai.
