10 vatra zjarri janë aktive në vend, ndërsa 3 të tjera janë në monitorim, raporton Ministria e Mbrojtjes.
Parku Kombëtar i Lurës është një prej operacioneve më të mëdha, ku po ndihmojnë edhe 2 avionë Air Tractor për shuarjen e zjarrit që po djeg masivin pyjor me pishë të zezë e bredh. Hapja e korridoreve ka penguar përparimin e flakëve drejt banesave. Vijon edhe zjarri në Qafë Helmes.
Në Lufaj të Mirditës vijon puna për hapjen e korridoreve ndarëse. Në Thari është evidentuar një vatër e re për të cilën po punohet me helikopter.
Në malin e Dajtit në Tiranë janë angazhuar 2 helikopterë, si dhe efektivë, por nuk ka rrezik për zonat e banuara. Aktive mbetet edhe vatra në Vakmone të Shëngjergjit që s’paraqet problematika për banesat.
Në Fushë-Lajë vijon puna në terren të thyer, ndërsa në Rrjoll, për shkak të terrenit të paarritshëm, situata po monitorohet nga afër dhe është përdorur edhe dron për evidentimin e shtrirjes së vatrës.
Edhe në Krujë situata është nën kontroll pasi zjarri në Abaze nuk ka intensitet, ndërsa në Zidoll po monitorohet.
Vatra të tjera aktive, pa rrezik ose nën monitorim janë Priskë–Gurrë e Madhe–Farkë–Lundër në Tiranë, në Selishtë të Bulqizës dhe në Dardhë të Librazhdit.
Në operacionet për përballimin e situatës janë angazhuar 499 forca operacionale dhe 43 automjete zjarrfikëse. Aktualisht në terren po operojnë 120 efektivë të FA, 3 helikopterë dhe 2 avionë Air Tractor.
Masivi pyjor i Tërbunit në Pukë vijon të digjet, zjarrfikësit përballen të vetëm me flakët, era vështirëson situatën (VIDEO)
Masivi I pyjore i Terbunit në Pukë po digjet prej tre ditësh . Flakët të ndihmuara nga era po zgjerojne perimetrin ndërsa të vetmit që përballen me situaten në malin e lartë janë zjarrfikësit e Pukës dhe pak punonjës të Shërbimit pyjor.
Në shumë kënde të zjarrit është ë pamundur ndërhyrja e mjeteve zjarrfikës cfar detyron ndërhyrjen me mjete rrethanore, ndërsa aty ku autozjarrfikset arrin të afrrohen perimetri nuk po lejohet të zgjerohet.
Deri tani janë dhjetra hektar shkurre të shkrumbuara, ndërsa sot flakët siç shikohet dhe nga pamjet kanë arritur në pyjet e lartë të pishës, që të ndihmuara nga era po përhapen shpejt duke shkaktuar dëme kolosale për ekonominë pyjore të masivit.
Sipas autoriteteve në zonë fatmirsisht nuk ka banesa apo element të tjerë të infrastrukturës çfar ka bër siç duket që të mos ketë as masa të shtuara në ndihmë të zjarrfikësve lokal, që po luftojnë të vetem me flakët që kanë përpirë Tërbunin në Pukë.
Zjarr në Novoselë, era e fortë vështirëson betejën me flakët! Digjet ullishtja (VIDEO)
Një sipërfaqe me ullinj po shkrumbohet nga flakët në fshatin Trevllazër, në Novoselë.
Zjarri vijon të jetë aktiv, ndërsa forcat zjarrfikëse ndodhen në terren dhe po punojnë fillimisht për izolimin e flakëve dhe më pas për shuarjen e plotë të vatrave. Situata vështirësohet nga era e fortë, e cila favorizon përhapjen e zjarrit në pemëtari dhe veçanërisht në ullishte.
Bëhet fjalë për një zonë të njohur për ullinjtë shekullorë, ndërsa zjarret në këtë fshat nuk janë një fenomen i ri. Trevllazëri është përfshirë edhe më herët nga flakët, kryesisht në sipërfaqet me ullishte.
