Protesta kundër kryeministrit Edi Rama vijon prej 81 ditësh, ndërsa qytetarë nga Shqipëria dhe Diaspora janë bashkuar në shesh duke kërkuar ndryshime politike dhe sociale.
Një prej protestuesve, i cili tha se jeton prej 30 vitesh në Itali, falënderoi News24 për pasqyrimin e zhvillimeve në vend dhe u shpreh se diaspora duhet të rikthehet në Shqipëri.
“Faleminderit News24 që përcillni realitetin e hidhur në Shqipëri dhe se çfarë po ndodh në kombin shqiptar. Sot po na shesin ata që nuk janë shqiptarë. Duhet të kthehemi në vendlindje sepse po na zhdukin”, deklaroi ai.
Pjesëmarrësit vijojnë të kërkojnë dorëheqjen e kryeministrit Edi Rama.
“Faleminderit News24 që përcillni realitetin e hidhur në Shqipëri dhe se çfarë po ndodh në kombin shqiptar. Sot po na shesin ata që nuk janë shqiptarë. Duhet të kthehemi në vendlindje sepse po na zhdukin. Vij nga Italia, kam 30 vite atje. Por jam bashkuar në shesh dhe me rininë që ka dëshirë ta rindërtojë Shqipërinë. Jemi në gjendje ta kthejmë si Gjermania. Duhet të bëhemi bashkë…Nëpër bankat e Anglisë janë regjistruar dokumente të shqiptarëve për t’i rrëmbyer pronat”, tha një qytetar në protestën e 81 kundër kryeministrit Edi Rama.
