Një person ka mbetur i plagosur në lagjen ‘Skënderbeg’ në Shkodër pasi është qëlluar me armë zjarri. Mësohet se bëhet fjalë për Vladimir Bruçin, i cili është konfliktuar verbalisht me fqinjin e tij, Pjerin Bitani që më pas ka marrë pistoletën dhe e ka qëlluar.
Plumbi e ka kapur Bruçin në këmbë dhe tani ndodhet në spital, jashtë rrezikut për jetën. Bitani është shpallur në kërkim.
Forcat e policisë kanë rrethuar vendngjarjen dhe po punojnë për zbardhjen e plotë të rrethanave.
Njoftimi i policisë:
Rreth orës 14:30, në lagjen “Partizani”, dyshohet se shtetasi P. B. ka plagosur me armë zjarri shtetasin V. B., për motive të dobëta.
Shtetasi V. B. u dërgua në spital dhe po merr mjekim.
Shërbimet e Policisë kanë shkuar menjëherë në vendngjarje dhe po punojnë për kapjen e autorit të dyshuar.
Read more:Humbi kontrollin e makinës dhe u përplas me shtyllën, ndërron jetë 82-vjeçari në Divjakë (EMRI)
Grupi hetimor, në drejtimin e Prokurorisë, vijon veprimet për zbardhjen dhe dokumentimin e plotë të rrethanave të ngjarjes.
Lajm në përditësim…
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.
