TIRANË– Biznesmeni Ergys Agasi do të qëndrojë në paraburgimin e Bradasheshit në Elbasan. Burime për Report Tv bëjnë me dije se pasi GJKKO la në fuqi masën arrest me burg, biznesmeni është transferuar tashmë nga ambientet e Bllokut të Sigurisë në një qeli paraburgimi në Bradashesh.
Që prej dhjetorit të kaluar ndaj tij ishte caktuar masa “arrest në burg” në mungesë si i dyshuar se ishte në krye të një grupi kriminal që përmes konkurrencës së pandershme, presioneve dhe ndikimit paracaktonte tenderat e AKSHI-t. Agasi akuzohet për të paktën 7 vepra të rënda penale.
Ergys Agasi u arrestua mbrëmjen e së mërkurës në zonën e Plepave në Durrës, në ndjekje nga policia që nga Elbasani, pas një vëzhgimi disa javor nga SPAK. Në makinë me të si shofer ndodhej edhe ish zyrtari i lartë i policisë së Elbasanit, Ulian Shpataraku, i njohur si i besuari i ish-kryepolicit, Proda.
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë
Lajmi në përditësim….
