Tiranë –Një shpërthim ka ndodhur mëngjesin e kësaj të mërkure në zonën e Brrylit, në pikën e karburantit “Eida”. Ngjarja është regjistruar në një zonë të populluar, ku ndodhen edhe disa pallate në afërsi të pikës së karburantit.
Sipas policisë bombola e gazit ku furnizohen makinat ka shpërthyer, ndërsa në momentin e ngjarjes ka qenë edhe një automjet duke u furnizuar.
Nga shpërthimi kanë mbetur të dëmtuar edhe tre punonjës të karburantit, të cilët ndodhen te Trauma jashtë rrezikut për jetën. Ndërkohë si pasojë e shpërthimit është shembur godina njëkatëshe e objektit.
Policia dhe forcat zjarrfikëse ndodhen në vendin e ngjarjes,për zbardhjen e plotë të rrethanave.
“Tek “Brryli”, në një karburant, dyshohet se ka shpërthyer një bombul gazi, gjatë kohës që po furnizohej me karburant një automjet. Si pasojë, janë dëmtuar 3 persona, punonjës të karburantit, të cilët janë dërguar në spital për mjekim, jashtë rrezikut për jetën. Grupi hetimor vijon punën për sqarimin e rrethanave të rastit” njoftoi sot policia.
Lajm ne perditesim…
Report Tv siguron pamjet e makinës që po furnizohej me gaz gjatë shpërthimit te karburanti ‘Eida’ (VIDEO)
Report Tv ka siguruar pamjet e makinës që po furnizohej me gaz gjatë shpërthimit te karburanti ‘Eida’ në zonën e ‘Brrylit’.
Siç shihet nga video e mësipërme një pjesë e makinës nga pas është djegur, ndërsa xhami është thyer.
Forcat zjarrfikëse dhe policia ende në vendngjarje.
Çfarë ka mbetur pas shpërthimit te karburanti ‘Eida’ në Tiranë
Shpërthimi te karburanti ‘Eida’ në zonën e Brrylit në Tiranë solli plagosjen e tre punonjësve dhe dëme të konsiderueshme materiale.
Nga pamjet e siguruara nga Report Tv shihen mbetje dhe materiale të shpërndara kudo si pasojë e shpërthimit.
Read more:Shpërthen një bombol gazi në Podujevë, lëndohen tri persona
Çatia e pikës së karburantit është pjesërisht e shembur, me kabllo të varura dhe pjesë të dëmtuara.
Ndërkohë në pamje duken edhe pajisjet e furnizimit me karburant që janë të rrëzuara dhe të shkatërruara.
