Asocacioni i Gazetarëve Shqiptarë, AGSH ka dërguar në Gjykatën Kushtetuese rregulloren e GJKKO-së.
Kryetari i AGSH-së Isa Myzyraj, duke folur në emisionin “Minuta e parë” në News24 theksoi se me këtë rregullore, kthehemi vite mbrapa, kur procesi mbahej me laps e me letër.
Ndërsa, gazetarja Klodiana Lala nënvizoi se rregullorja e re është shkelje e hapur e ligjit. Shtoi se GJKKO nuk është konsultuar fare me gazetarët.
Kreu i AGSH, Isa Myzyraj:Rregullorja ka shumë kufizime, ndalohen celularët, regjistruesit. Kthehemi shumë vite pas, kur procesi mbahej me laps e letër. Dhe për të hyrë në sallë ka një sërë procedurash. Kjo rregullore cenon interesin publik, duke iu cenuar shqiptarëve që të informohen mbi procese gjyqësore, mbi persona që kanë qenë kryeministra e ministra, që kanë keqpërdorur paratë publike.
Gazetarja Klodiana Lala:Rregullorja është shkelje e hapur e ligjit, është rregullore që krijon kaos. Kjo rregullon e bunkerizon GJKKO-në. E kam mbuluar punën e kësaj gjykate, kur quhej Gjykata e Krimeve të Rënda dhe asnjëherë nuk ka qenë kjo situatë që po paraqitet tani. Dhe atëherë ka pasur monitorim të proceseve me kamera. Kjo nismë e firmosur nga gjyqtari Erjon Bani e bunkerizon GJKKO-në. Ne gazetarët kalojmë skanerin, ne kemi kontroll fizik. Ligji thotë se seancat gjyqësore janë publike, përpos disa rasteve.
Çështjet me interes publik, ku janë dhe emra të biznesit dhe krimit të organizuar, duhet të raportohen. Ne për çdo seancë, duheshka të plotësonkemi një formular, kur unë ndjek deri në 10 procese gjyqësore në ditë në GJKKO, pra komplikohet procesi dhe pengohet puna ime. Një tjetër skandal i madh është që gazetari duhet të thotë të vërtetën, por unë nuk jam dëshmitar në proces gjyqësor.
GJKKO nuk është konsultuar me gazetarët për ndryshimet. Janë mediat që e kanë bërë GJJKOO-në kryefjalë të ditës. Ne e dimë se ka raste kur duhet pasur kujdes, kur trajtohet sekreti shtetëror apo kur ka të mitur, ne nuk kemi cenuar asnjëherë këto raste. Por, kur del në gjyq Sali Berisha, Ilir Meta, Erion Veliaj, Belinda Balluku duhet të jemi transparentë. Kjo rregullore u bë, tani që ka në gjyq njerëz të politikës. Unë do shkoj në gjyqe si qytetare dhe jo si gazetare. Zoti Bani duhet të reflektojë dhe ta heqë këtë rregullore antiligjore.
