“Lagjja është ndarë përgjysmë në Fushë Krujë”, denoncimi i Aulon Kalasë: Janë bllokuar gjitha rrugicat, banorët s’kanë ku kalojnë

Kryetari i Partisë Demokratike në Krujë Aulon Kalaja ka bërë një denoncim të fortë sot nga Fushë Kruja.

Kalaja shprehet se lagjja “Bakushe Visha” është ndarë përgjysmë. Ai shprehet se banorët nuk kanë se ku të kalojnë, pasi të gjitha rrugicat e lagjes në fjalë janë bllokuar.

Read more:Mbi 1 milion vizitorë në sitet kulturore në 8 muaj, Rama publikon shifrat: Kalaja e Gjirokastrës lë pas Butrintin, kryeson me 223 mijë vizitorë

Aulon Kalaja bën thirrje për zhbllokimin e kësaj rruge 200-vjeçare.

Aulon Kalaja: Banorët e lagjes “Bakushe Visha” në Fushë Krujë kanë dalë në protestë për të drejtat e tyre. Lagjja është ndarë përgjysmë. Kjo ka qenë pjesa e lagjes kryesore. Këtu është ndërtuar një rrugë e re, që e përshëndesim, se ne nuk jemi kundër zhvillimit.

Read more:‘Po vijnë shirat, rrezikojmë të përmbytemi sërish’, banorët e ish-Kënetës në Durrës protestojnë ndaj bashkisë: Duam investime! Bllokojnë rrugën

Çfarë ka ndodhur? Është mbyllur rruga dhe nuk ka komunikim me pjesën tjetër të lagjes. Është vendosur një masiv guri këtu, që mos kalojnë makinat. Të gjitha rrugicat e kësaj lagjeje janë bllokuar. Banorët nuk kanë ku të kalojnë. Duhet vendosur së paku një semafor këtu, që të ketë komunikim lagjja me lagjen. Është rrugë 200-vjeçare dhe me një të rënë të lapsit, rruga bllokohet.