Teksa vijon seanca plenare, paralelisht me të po vijon protesta qytetare.
Të shumtë në numër, qytetarët janë stacionuar në Bulevardin “Dëshmorët e Kombit”, pranë Ministrisë së Brendshme, ndërkohë që disa prej tyre kanë hequr një prej gardheve metalike, ndërsa kanë tentuar që të çajnë kordonin policor.
Për disa momente situata ishte e tensionuar, ndërsa prania e policisë u përforcua edhe më shumë. Deri më tani është shoqëruar një qytetar në polici. Sakaq, forcat “Shqiponja” kanë mbërritur pranë Ministrisë së Brendshme.
