TIRANË– Një grua është vrarë me thikë nga bashkëshorti i saj në Tiranë. 58-vjeçarja, Lumturie Patushi, po kujdesej për dy nipërit e saj të mitur, kur është sulmuar me thikë në gjoks nga bashkëshorti i saj.
Ngjarja ka ndodhur në një kompleks pas shkollës “Harry Fultz”, konkretisht në shtëpinë e vajzës së çiftit.
Pas vrasjes Hysni Patushi, 69 vjeç, është larguar nga vendngjarja, por është kapur më pas nga policia në Kamëz. Ai dyshohet se në momentin e krimit ka qenë i dehur. Policia ka gjetur pranë vendit të ngjarjes edhe thikën
Sipas të dhënave paraprake, dy bashkëshortët kanë pasur probleme edhe më herët. Dhëndri i çftit është shoqëruar në polici dhe po merret në pyetje.
“Rreth orës 10:20, në rrugën “Panorama”, dyshohet se, pas një konflikti në banesë, shtetasi H. P., 68 vjeç, ka goditur me mjet prerës bashkëshorten e tij, shtetasen L. P., 58 vjeçe, e cila ka humbur jetën. Autori i dyshuar, shtetasi H. P., 68 vjeç, është larguar nga vendngjarja. Vijon puna për lokalizimin dhe kapjen e tij, si dhe për dokumentimin e plotë të rrethanave të ngjarjes”, njofton Policia.
Grupi hetimor po punon për zbardhjen e plotë të rrethanave dhe motivit të krimit.
Read more:Parkimet e gabuara/ Rrugorja e Fierit monitorim me dron për shkelësit e qarkullimit (VIDEO)
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë
Lajmi në përditësim…
Vrau me thikë bashkëshorten në Tiranë, Report Tv siguron foton e autorit
Report Tv ka siguruar foton e Hysni Patushit, 59-vjeçarin që vrau me thikë bashkëshorten e tij në banesë. Lumturie Patushi po kujdesej për dy nipërit e saj të mitur, në banesën e vajzës, kur bashkëshorti e qëlloi me thikë në gjoks.
