Në mesin e provave të reja që dalin kundër këtij deri në përfshirjen e kreut të SHISH, Ergys Agasi pësoi një tjetër humbje në Gjykatën e Apelit të Posaçëm.
Ai kishte kërkuar lirinë, por gjyqtari Florian Kalaja e rrëzoi kërkesën e tij dhe la në fuqi masën e sigurisë arrest në burg. Palët u dëgjuan një ditë më parë, ku vetë Agasi ishte i pranishëm në seancë, ndërsa sot u shpall vetëm vendimi.
Agasi u arrestua më 26 gusht të këtij vitit pas 8 muajve në arrati, i akuzuar se ishte në krye të një grupi kriminal që orkestronte tenderët.
Po sot Gjykata e Apelit të Posacëm rrëzoi edhe kërkesën për liri të ish zyrtarit të lartë të policisë së Elbasanit, Ulian Shpataraku, i njohur si i besuari i ish-kryepolicit, Proda.
Shpataraku ishte në makinë me Agasin e shumëkërkuar nga SPAK, kur blutë i ndaluan në zonën e Plepave në Durrës. Ai akuzohet për përkrahje të autorit të krimit, anëtar i një grupi të strukturuar kriminal.
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.
