Një person i plagosur me armë zjarri ka mbërritur në urgjencën e Spitalit Rajonal të Lezhës. Bëhet fjalë Daniel Pikulin i cili ka disa plagë dhe po dërgohet drejt Spitalit të Traumës në Tiranë.
I riu është transportuar me një mjet privat në urgjencë. Fillimisht dyshohet se bëhet fjalë për një konflikt të çastit. Grupi hetimor, nën drejtimin e Prokurorisë, vijon punën për zbardhjen e rrethanave të ngjarjes.
Njoftimi i policisë
“Lezhë/Informacion paraprak
Rreth orës 13:15, në fshatin Manati, Lezhë, në rrethana ende të paqarta, është plagosur me armë zjarri shtetasi D. P., i cili është transportuar në Spitalin e Traumës, Tiranë, për ndihmë mjekësore.
Shërbimet e Policisë janë në vendngjarje dhe vijojnë kontrollet për kapjen e autorit/ëve. Grupi hetimor, nën drejtimin e Prokurorisë, vijon punën për zbardhjen e rrethanave të ngjarjes”
Lajmi në përditësim….
