OVL e UÇK-së rikujton se përpjekjet e tyre të pandërprera ndër vite, përmes qindra letrave drejtuar institucioneve ndërkombëtare, takimeve me ambasadorë të shteteve mike, takime me personalitete të rëndësishme ndërkombëtare, takimeve në Parlamentin Evropian dhe në Parlamentin e Zvicrës, takimit në Vatikan, si dhe përmes protestave kombëtare si dhe në qendra evropiane dhe së fundmi edhe përmes peticionit qytetar, kanë pasur një qëllim të vetëm: ngritjen e zërit kundër padrejtësive dhe shkeljeve që po ndodhin në proceset ndaj ish-krerëve të UÇK-së.
OVL e UÇK-së, përmes një reagimi për media bëjnë të ditur se shqetësimet e tyre të vazhdueshme, të ngritura me këmbëngulje në çdo forum të mundshëm, sot po gjejnë jehonë edhe në arenën ndërkombëtare.
Read more (Ovl e uçk-së):Zgjedhja e presidentit, OVL e UÇK-së: Të respektohet Kushtetuta
“Raporti i fundit i publikuar nga një organizatë britanike për të drejtat e njeriut, i cili ngre shqetësime serioze për shkelje të të drejtave themelore në kuadër të Dhomave të Specializuara, përbën një konfirmim të qartë se alarmet tona kanë qenë të drejta dhe të argumentuara”, thuhet ne reagimin e tyre.
Tutje bëhet e ditur se: “OVL e UÇK-së vlerëson se ky zhvillim është një moment i rëndësishëm për ndërgjegjësimin ndërkombëtar lidhur me mënyrën e funksionimit të kësaj gjykate dhe trajtimin e padrejtë ndaj çlirimtarëve. Drejtësia selektive dhe standardet e dyfishta nuk mund të ndërtojnë besim dhe as të sjellin drejtësi të vërtetë”.
Read more (Vatikan):Miftari konfirmon largimin nga posti i ambasadorit në Vatikan: Pranova dekretin nga Haxhiu
Përmes këtij reagimi OVL e UÇK-së i bëjnë thirrje institucioneve ndërkombëtare që të marrin seriozisht këto gjetje dhe të ndërmarrin hapa konkretë për të garantuar respektimin e plotë të të drejtave të njeriut dhe standardeve ndërkombëtare të drejtësisë.
Read more (Reagim):The Guardian zbulon skandalin, Nigel Farage mori 5 mln paund dhuratë nga miliarderi i kriptove dhe më pas u bë deputet
“Organizata e Veteranëve të Luftës së UÇK-së do të vazhdojë angazhimin e saj të palëkundur në mbrojtje të vlerave të luftës sonë çlirimtare dhe të dinjitetit të bashkëluftëtarëve tanë, duke mos u ndalur përballë asnjë padrejtësie”, thuhet ndër të tjera në reagim. /Telegrafi/
