Një skulpturë monumentale në mes të qytetit, por si ia doli ta instalojë gjatë natës pa rënë në sy të qytetarëve këtë vepër? Kjo është pyetja që ngriti publiku pasi pa veprën e Banksyt në St James’s Park.
Artisti i rrugës konfirmoi autorësinë përmes një videoje në rrjetet sociale, ndërsa përfaqësuesit e tij thanë për BBC se statuja u instalua në orët e para të së mërkurës, me ndihmën e një kamioni, disa koneve të trafikut dhe ekipit profesionist. “Janë djem që mund të organizojnë një koncert të Metallica-s brenda 24 orësh, jashtëzakonisht të organizuar”, u shprehën ata për BBC. Me operacion të përpiktë në terren, statuja për të cilën u deshën muaj për ta realizuar, u montua për një kohë të shkurtër.
Për Banksyn, burri i veshur me kostum, që mban një flamur, i cili i mbulon fytyrën dhe marshon përpara mbi një piedestal duhet të vendosej në Waterloo Place, St James’s, pikërisht në zonën e projektuar për të festuar imperializmin dhe dominimin ushtarak në vitet 1800. “Kishte një boshllëk të vogël aty”, është shprehur ai.
Read more (Rrjetet sociale):Alessandra Ambrosio mahnit me bikini në Bali, fansat aludojnë për fejesë sekrete
Shumë qytetarë kureshtarë që kanë parë veprën, e shohin si një përgjigje ndaj “ringjalljes së nacionalizmit në Mbretërinë e Bashkuar dhe në botë. Banksy e urren nacionalizmin ekstrem”.
Këshilli i Qytetit të Westminster njofton nuk ka dhënë leje për këtë instalacion, ndërkohë që punonjësit e kanë rrethuar me një barrierë mbrojtëse.
Read more (Statuja):Portreti i presidentit Trump në pasaportat amerikane, SHBA-të përgatiten për të festuar 250-vjetorin e Pavarësisë
Çdo vepër e Banksy-t duket si një fushatë, me mesazhet e forta që përcjell dhe veprat e veprat e artistit enigmatik, të instaluara fshehurazi, interpretohen gjerësisht si deklarata politike.
Dy muaj më parë, Reuters pretendoi se zbuloi identitetin e Banksy-t, duke e përshkruar një burrë me syze në moshë të mesme nga Bristoli i quajtur Robin Gunningham, megjithëse artisti nuk e konfirmoi ose mohoi identitetin e tij.
