Pogradec – Një 24-vjeçare është arrestuar pasi përplasi me makinë tip ‘Benz’ një 80-vjeçar.
Ngjarja u regjistrua pasditen e sotme aksin rrugor “Pogradec-Qafë Thanë”, pranë fshatit Udënisht.
Pavarësisht se i moshuari u transportua te Trauma për mjekim të specializuar nuk mundi t’i mbijetojë plagëve të marra.
Read more (Aksident):Aksident në Shkodër, vetura përplas këmbësorin – i lënduari transportohet në spital
“Në vijim të informacionit paraprak të dhënë sot për një aksident të ndodhur në aksin rrugor “Pogradec-Qafë Thanë”, pranë fshatit Udënisht, bëjmë me dije se specialistët e Sektorit të Qarkullimit Rrugor bënë arrestimin në flagrancë të shtetases E. S., 24 vjeç, banuese në Udënisht, për veprën penale “Shkelja e rregullave të qarkullimit rrugor”. Kjo shtetase duke drejtuar automjetin ka përplasur këmbësorin Z. D., 80 vjeç, banues në Udënisht, i cili u dërgua për mjekim të specializuar në Tiranë, ku më pas ka humbur jetën”, njoftoi sot policia.
Materialet procedurale iu referuan Prokurorisë së Korçës, për veprime të mëtejshme.
Read more (Policia):Grabitet me armë banka në Kentucky, autori vret 2 punonjës dhe arratiset
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë
