Kurban Bajrami në Vlorë, qindra qytetarë mblidhen në pallatin e sportit “Flamurtari” për të falur namazin

Janë besimtarë të Vlorës por nuk mungojnë as besimtarë me kombësi të huaj. Falja e Namazit të Kurban Bajramit është drejtuar nga Myftiu i Vlorës, Ardit Hoxhllaku, i cili në fjalën e tij ka theksuar se Kurban Bajrami është një ndër festat më të rëndësishme të besimit islam që simbolizon sakrificën, solidaritetin dhe ndërgjegjësimin shpirtëror.

Read more:‘Tragjedinë e futbollit shqiptar e solli Duka’, Abazi për Report Tv pas estradës në Superligë: Të hetojë drejtësia! Tifozët jo më në stadiume

Si çdo vit besimtarët kanë kryer ritin e faljes dhe kanë shkëmbyer mesazhet e dashurisë vëllazërore e të mirëqenies në çdo familje.

Ndërkohë, në këtë ditë të rëndësishme për myslimanët, besimtarët presin kurban e një pjesë ua shpërndajnë njerëzve në nevojë, ndërsa në orët në vazhdim pritet të shtrojnë drekën e kësaj feste me të gjithë miqtë dhe familjarët.

Read more:​Rritet sërish çmimi për kurban në Kosovë

Prej vitesh në Vlorë kjo festë shoqërohet me një masivitet pasi të shumtë janë besimtarët e të gjitha grupmoshave që i bashkohen besimit islam.