Analisti Poli Hoxha në një intervistë në News24 komentoi protestën, që sot është në ditën e 103.
Hoxha theksoi se pushteti është trembur sepse e di që vetëm vjedh. Ai shtoi se protesta është mrekulli dhe se do të fitojë.
“Tensionin e krijoi policia dje. Edhe grupi që bllokuan rrugët mendoj se disi ndikoi jo mirë. Por pushteti është trembur nga protestat. Kryeministri ka tension nga kjo që po ndodh. Protesta do vazhdojë, parlamenti nuk na përfaqëson. Është protesta që ka përcaktuar agjendën e politikës dhe jo e kundërta, sepse deputetë dalin si minj e nuk ndodh e kundërta. Edhe arrestimet e protestuesve ishin të paligjshme.
Read more:“Rama, na je bërë bela”, profesori Susaj: Vetëm me durim dhe rezistencë, largojmë kryeministrin
Koha punon për protestën dhe jo për kasën sunduese. Protesta është një mrekulli e vërtetë që ka zgjatur 103 ditë. Është vërtetë mrekulli që ka mbijetuar kjo protestë, sepse aty ka shumë grupe, aty ka berishistë, socialistë të zhgënjyer, ka me Lapajn, ka me Qorin. Aty ka studentë, pa parti, me shami, të gjitha grupet janë aty. Ky pushtet di vetëm të vjedhë. Protesta ka kërkesa parimore, të japë dorëheqjen një kryeministër, që ka faj për korrupsionin në këtë vend”, tha Hoxha.
Më tej, Hoxha u shpreh se kryeministri Rama është në konflikt me drejtësinë.
“Edi Rama është në konflikt me drejtësinë. Shitet sikur e ka kundër Gjykatës Kushtetuese dhe për pagat, por në fakt ka përplasje të madhe me drejtësinë. Edhe çështja Balluku është një tjetër problem madhor për kryeministrin, sepse do kërkohet arrestimi i Belinda Ballukut, pas akuzave të rënda që rëndojnë mbi ish-zv kryeministres. Edhe mediat e huaja shkruajnë për këtë super protestë.
Read more:E rëndë në Korçë, vëllai plagos vëllain me sëpatë! Ngjarja pas një konflikti brenda banesës
Rama dhe grupi i ttij janë në një moment të përplasjes finale me drejtësinë. Do të ketë një përplasje finale, që do të arrijë deri tek koka. Për Ramën, problemi më i madh janë shqiptarët. Mos harrojmë që është një protestë që ka bërë një zgjim. Protesta është në çdo familje, kudo në Shqipëri dhe jashtë vendit. Gjithë bota e ka parë Ramën lakuriq për herë të parë. Kjo klasë politike e ka shkatërruar Shqipërinë me korrupsion”,deklaroi Hoxha.
Sipas Hoxhës, shteti ka degraduar dhe nuk funksionon. Për të, Rama është një autokrat, që është në fundin e vet politik.
“Shteti ka degraduar, asgjë nuk funksionon. Çdo veprim bëhet vetëm me para, nuk njohin asgjë tjetër. Korrupsioni i ka dalë jashtë kontrollit dhe Ramës, korrupsioni këtu poshtë, sepse ai merret me korrupsion madhor. Kryeministri po gënjen veten në fazat e fundit, sepse nuk thith më realitetin, sepse jeton në realitet tjetër.
Ministra dh eish-ministra afër tij kanë thënë se mezi presin që të ikin nga Rama, sepse është brë paranojak, aq sa thonë që kërkon llogari, deri dhe më kë rri. Edi Rama nuk reflekton e kur këta nuk reflektojnë, dëmtojnë vendin e shoqërinë”,deklaroi Hoxha.
Duke folur për reformën territoriale dhe atë zgjedhore, Hoxha nënvizoi se nuk po merret mendimi i askujt tjetër, përpos mazhorancës dhe se kjo është e rrezikshme për demokracinë.
“Edi Rama e çon gjënë në konflikt. Për reformën territoriale dhe atë zgjedhore, Rama pyet vetëm veten. Por Rama nuk do as Bashkimin Europian. Se nëse hyn në BE, do kesh kontrolle. Këta nuk duan kontrolle, këta duan të grabisin. E kanë propagandë punën e integrimit, asgjë tjetër nuk e kanë. Nuk ka vullnet nga kjo klasë politike për të hyrë në BE”, përfundoi Poli Hoxha.
Theksoi se protesta do e përshpejtojë integrimin e Shqipërisë në BE.
