Një video e pazakontë nga Kina vazhdon të bëjë xhiron e rrjeteve sociale dhe të mahnisë miliona përdorues të internetit, edhe pse është regjistruar dy vite më parë.
Në pamje shihet një grua 92-vjeçare që arratiset nga një azil pleqsh duke kapërcyer me shkathtësi një derë metalike rreth dy metra të lartë.
Ngjarja ndodhi në qytetin e Yantai, ku e moshuara, e cila sipas raportimeve vuante nga Sëmundja e Alzheimerit, arriti të realizonte një arratisje që shumë më të rinj do ta kishin të vështirë ta kryenin.
Pamjet tregojnë gruan, e gjatë rreth 1.60 metra, duke kapur me kujdes pjesën e sipërme të derës metalike. Pas disa sekondash, ajo arrin të gjejë ekuilibrin, ngre trupin mbi strukturë dhe e kalon pengesën me lëvizje që janë krahasuar nga përdoruesit me ato të një akrobateje.
Mujer de 92 años escala puerta de 2 metros de altura para escapar de residencia de ancianos. pic.twitter.com/GUPBqsFRtW
Ajo bie në anën tjetër të derës dhe vazhdon rrugën e saj, ndërsa i gjithë operacioni zgjat vetëm 24 sekonda.
Read more:SHBA shenjëstron Kubën, Kina reagon ashpër dhe kërkon të ndalen kërcënimet ndaj aleatit të tyre
Videoja ka grumbulluar miliona shikime dhe mijëra komente, ku shumë përdorues kanë shprehur habinë për energjinë, forcën dhe vendosmërinë e gruas, pavarësisht moshës së avancuar.
Të tjerë kanë vënë në dukje ironinë e faktit se një person që vuante nga Alzheimeri arriti të planifikonte dhe ekzekutonte një arratisje kaq të suksesshme.
